Thủ tướng uănh lah prêh ăp nău rgop dŭt n’hâm bah ăp Đại sứ, Ntoh măt n’hanh ăp Đại sứ quán tâm hun hao tâm boh đah Việt Nam đah ăp dak ASEAN. Thủ tướng lah rjăp Việt Nam uănh khlay n’hanh kơl lor an tâm boh đah ăp dak kiău ma; ton râng dŭt n’hâm tay, rgop nchrăp lor, ngăn ngên lơn tay an kan ndrel ASEAN.

Thủ tướng đă ăp Đại sứ, Ntoh măt rgop ngăn ngên tay an nău hun hao têh dăng bah tâm boh đah Việt Nam n’hanh ăp dak ASEAN năm tât. Đă ASEAN nsrôih ƀư jru lơn tay tâm boh tăch rgâl-ntuh kơl tâm rmôt, ƀư săk rnglăy ăp nuih n’hâm hao jêng mhe kơt wăng sa mrô, khoa học công nghệ, rgâl mhe, n’hao boăt nthoi tâm ăp ntil nău têh kơt ntung trong, ŭnh nar..., nâp nâl tâm boh way ơm, ntrôl tâm nđŭr ƀon lan, krêp dêh; nău ndâk njêng nsum mpôl ASEAN lĕ rngôch n’hanh nâp nâl, sŏk nău geh bah nuĭh ƀon lan ƀư mâng treh an ăp nău kơl, nău ƀư kan ndrel.