Aơ lah trong hăn tâm rgop mpeh nhâp nar tât mpeh luh nar bâh n’gor Ninh Bình, nkre lah, tâm rgop tâm ban đah ăp trong hăn khlay bâh trong têh Bắc-Nam mpeh luh nar trong Hồ Chí Minh, Quốc lộ 1A, trong pĭt dak lêng (Thanh Hóa- Ninh Bình- Nam Định - Thái Bình- Hải Phòng- Quảng Ninh), trong loih Bắc- Nam...njêng trong hăn tơm, mbluh let trong hăn ta n’gor.

Nău kan geh n’gor Ninh Binh uănh năl lah nău kan tơm khlăy, an geh ƀư lôch ơm gay ma geh nău nsrôih, geh njoat mhe ta trong hun hao wăng sa- rêh jêng bâh n’gor ta năp lor n’hanh geh nău mpŏng trong kan, nău kan jŏ jong. Ta aơ, Thủ tướng Phạm Minh Chính đă n’gor Ninh Bình rgum an nău kan mbơh tơih rdâk njêng trong hăn Đông- Tây bâh n’gor, nsrôih ơm ƀư lôch ntŭk lĕ mbơh ƀư, đah ăp ntŭk hôm e tâm rgop đah n’gor Hòa Bình n’hanh tâm rgop đah trong hăn dăch dak lêng.