VOV4.M’nông – Tĭng nău nchrăp, Rơh rƀŭn tal 16 bah Thường vụ Quốc hội mbra ntơm ƀư nar 10/10. Ta rơh rƀŭn aơ, Ủy ban Thường vụ Quốc hội mbra tâm nchră an rgop mpeh dự thảo mbơh lĕ rngôch nău rgop, dăn đă bah nuĭh ntoh măt ƀon lan n’hanh ƀon lan njuăl tât rơh rƀŭn tal 4 bah Quốc hội; an rgop mpeh nău mbơh:

Rơh rƀŭn chuyên đề pháp luật khay 9/2022 bah Ủy ban Thường vụ Quốc hội.

Jêh groi nđôi nău mkra, ơh nău dăn đă bah nuĭh ntoh măt ƀon lan njuăl tât rơh rƀŭn tal 3 bah Quốc hội; jêh wơt nuĭh ƀon lan, wơt dơn mkra sam ƀŭt bah nuĭh ƀon lan n’hanh jêh groi nđôi nău mkra nău phong, mbơh bah nuĭh ƀon lan njuăl tât Quốc hội năm 2022. An rgop mpeh ăp nău mbơh bah Chính phủ: Nu nău dơi ƀư tĭng trong nchrăp hun hao wăng sa-rêh jêng n’hanh nchrăp trok tơm prăk ngih dak năm 2022, trong nchrăp hun hao wăng sa-rêh jêng năm 2023; nchrăp trok tơm prăk ngih dak n’hanh tâm pă tơm prăk trung ương năm 2023; jêh ƀư tĭng trong nchrăp ntuh kơl nsum năm 2022; nchrăp trong nchrăp ntuh kơl nsum năm 2023.

VOV.VN/  Nuĭh rlang: Y Sưng Phê Ja