Nar 2/12, Tỉnh ủy Kon Tum ƀư tâm nchră tâl 10,  gay uănh năl lôch jêh geh tĭng ƀư nău kan hun hao wăng sa- rêh jêng kon nuĭh năm 2022 n'hanh an nău rgop đah du đêt nkô̆ khlay êng ƀa ƀă. Tĭng nău mbơh, năm 2022 lĕ rngôch ndơ  geh ƀư lam rêh jêng ta n'gor geh rlău 17.600 rmen prăk, hao 9,5% rđĭl đah năm e nơh. Nsĭt geh Ngân sách Ngih dak nchroh tât 4.000 rmen prăk, tât rnoh sŏk dŏng n'gor jao.

Tĭng Tỉnh ủy Kon Tum rnoh tât bôk năp lah rnoh ngăch hun hao lĕ rngôch ndơ geh ƀư tât 9,5% mô hŏ tât trong nchrăp Nghị quyết n'gluh lah hao bah 10% let lơ. Tâm du nar, tâm nchră rgum tâm rkhăch, an nău rgop đah ăp siƀŭt mbơh mpeh nô nău tĭng ƀư nău kan wăng sa- rêh jêng kon nuĭh, njrăng n'gang neh dak, rnă njrăng, rdâk njêng Đảng, lam trong kan chính trị năm 2022, trong rƀŏng, nău kan năm 2023; Trong nchrăp dăp rgum n'gor Kon Tum rơh năm 2021- 2030, n'hanh du đêt nkô̆ khlay êng ƀa ƀă.

VOV/Nuĭh rblang: Điểu Thân