Tĭng ƀư trong ntĭm nti bah Ban Tuyên giáo Trung ương, kêng măng (24/4), ta nkual ƀon têh Kon Tum, Ban Thường vụ Tỉnh ủy Kon Tum ƀư tâm nchră na nê̆ nkre pơk sŏng dăng đah 12 bôk ƀoh tâm rnôk n’gluh gĭt jru hvi, an ƀư way nkô̆ kơt nti n’hanh ƀư tĭng nău mĭn, nuih n’hâm, trong gŭ rêh Hồ Chí Minh năm 2023 n’hanh sinh hoạt chính trị, nău mĭn mpeh nău nchih bah Tổng Bí thư Nguyễn Phú Trọng. 

Ta tâm nchră báo cáo viên bah Tỉnh ủy Kon Tum nđơn trêng tay nkô̆ tơm bah nău nchih “Rôih sŏng, rlăch ndăng ngăn nău tih sa khâm, tih djơh rgop rdâk njêng Đảng n’hanh Ngih dak he nar lơn ma kloh uĕh, nâp dăng” bah Tổng Bí thư Nguyễn Phú Trọng. aơ lah nău nchih geh rnoh khlay lý luận n’hanh ngăn ngăn khlay đah pah kan rdâk njêng Đảng, lam trong kan chính trị n’hanh n’gâng kan cách mạng bah dak he; lah siƀŭt rnă săk tâm pah kan rlăch ndăng njrăng n’gang sa khâm, tih djơh, nkô̆ nău n’gâng tơm gay rdâk njêng Đảng n’hanh lam trong chính trị nar lơn ma kloh uĕh, nâp dăng.