VOV4.M’nông –  15 nar bah năp ta nkuăl Kon Plông, n’gor Kon Tum lĕ geh âk rơh n’gơ neh n’hanh n’glơi tay. Lơn lah kêng măng 23/8 geh n’gơ neh dăng 4.7, têh ngăn tâm 100 năm bah năp. Ta năp nu nău jêr njrăng bah âk ntil trôk nar aơ, nău tŏng ăp đăp mpăn n’glău n’gâr dak thủy điện, dak bât gay rdâng đah n’gơ neh ta Kon Tum dôl dơi n’gâng kan ƀon lan kơt ntŭk kan mât uănh dŭt n’hâm uănh tât.

Trạm weh rnoh dak huch hao n’hanh groi nđôi bri dak nglăp êng ta jâng dak bât n’gâr dak thủy điện Thượng Kon Tum.

Wa Lê Đức Tín, Groi Kruanh UBND nkuăl Kon Plông, n’gâng kan nkuăl lĕ ntop n’hao trong kan mât uănh, groi nđôi đah 2 n’glău n’gâr dak thủy điện têh, geh: Đăk Đrinh đah rnoh dak rlău 248 rkeh m3 dak n’hanh n’glău n’gâr dak thủy điện Thượng Kon Tum đah rnoh dak 145 rkeh m3 dak. Ndrel đah 3 trạm quan trắc weh n’glơi an n’gơ neh lĕ nglăp, Công ty Thủy điện Thượng Kon Tum tâm ton đah Viện Vật lý địa cầu nglăp tay 3 trạm gay mbơh ngăch n’hanh rhŏ mĭn njêng jru mpeh n’gơ neh tâm nkual.

Nuĭh rblang: Y Sưng Phê Ja