Dơn nău jă bah Tổng Bí thư, Kruanh dak Tô Lâm n’hanh I ur, nar aơ (10/9), Tổng Bí thư, Kruanh dak Lào Thongloun Sisoulith n’hanh I ur ntơm ăp nău kan khâl gưl ngih dak tât dak he. Ăp năm aơ, tâm boh Việt Nam - Lào nar lơn ma dơi rdâk nâp, hun hao jru hvi, ngăn ngăn n’hanh geh nău tam ta lĕ rngôch ăp trong kan.

Bah nê rgop khlay tâm nău mât ndray đăp mpăn chính trị, hun hao wăng sa – rêh jêng kon nuĭh, đăp mpăn njrăng n’gang neh dak- rnă njrăng ta ăp dak, n’hao têh ntŭk gŭ kan bah bar Đảng, bar dak. Hăn khâl Việt Nam bah Tổng Bí thư, Kruanh dak Lào Thongloun Sisoulith n’hanh I ur lah rnôk gay kruanh bar ding tâm mbơh nsum mpeh nô nău bar Đảng, bar dak; tâm ôp mpeh nô nău tâm nkual n’hanh lam ntŭr neh ndrel uănh khlay; uănh năl lôch jêh geh tâm boh bar ding tâm bah ri aơ nơh n’hanh n’gluh trong rƀŏng, n’hao nău dơi tam tâm boh let năp tay.