Nthoi tay ăp nău kan tâm rnôk hăn khâl gưl Ngih dak tât dak he, ôi 11/9, Tổng Bí thư, Kruanh dak Lào Thongloun Sisoulith n’hanh I ur ndrel mpôl ntơh măt gưl têh Đảng, Ngih dak Lào hŏ tât an kao si, lăp Lăng weh chop Kruanh Hồ Chí Minh.

Tổng Bí thư, Kruanh dak Lào Thongloun Sisoulith n’hanh I  ur ndrel mpôl ntơh măt gưl têh Đảng, Ngih dak Lào hŏ an kao si nkah gĭt Kruanh Hồ Chí Minh, Nuĭh dăng janh rklaih luh rnoi nuĭh, Nuĭh văn hóa dŭt hăr blău bah Việt Nam. Kao si bah mpôl hăn geh nchih: Kruanh Hồ Chí Minh rêh mbro tâm n’gâng kan cách mạng bah he. Lôch nê, Tổng Bí thư, Kruanh dak Lào Thongloun Sisoulith n’hanh I ur hŏ tât an kao si, nkah gĭt ăp tahen ơm khĭt ta Ndah nkah gĭt ăp tahen ơm khĭt. Kao si bah mpôl hăn geh nchih: “Mbro mbrăng nkah gĭt nău dơi bah ăp tahen cách mạng Việt Nam”.