Kêng măng 09/12, ta nhih pah kan Trung ương Đảng Nhân dân Cách mạng Lào, Tổng Bí thư, Kruanh dak Lào Thongloun Sisouluth hŏ wơt Mpôl ntơh măt Đảng he tă bah Bí thư Trung ương Đảng, Kruanh Ban Tuyên giáo Trung ương Nguyễn Trọng Nghĩa leo mpôl râng Tâm nchră lý luận tâl 9 đah bar Đảng.

Ta rơh wơt, wa Nguyễn Trọng Nghĩa mbơh đah Tổng Bí thư, Kruanh dak Thongloun Sisouluth mpeh lôch jêh bah Tâm nchră Lý luận tâl 9 đah bar Đảng, uănh năl Tâm nchră lý luận tâl 9 geh nău mĭn lý luận âk, tŏng đah nău ŭch geh ngăn ngăn bah ăp Đảng, ăp nkô̆ tâm ôp mpơl lĕ nuĭh n'hâm gĭt blău, nkô̆ jru hvi n'hanh dăn đă dơi âk trong nkra ngăn ngăn; lah rjăp ăp nhih pah kan gŭ mĭn lý luận bah bar Đảng mbra kan nsum tay, n'hao âk rơh tâm rgâl nău lư, nkoch nău tă ơm gĭt kan gay ndrel tĭng ƀư geh nău dơi Nghị quyết Đại hội bah ăp Đảng. Tổng Bí thư, Kruanh dak Lào Thongloun Sisouluth rhơn rnê lôch jêh geh tâm nchră n'hanh ŭch rŏng tâm let năp tay bar nhih pah kan Tuyên giáo Trung ương, bar Hội đồng lý luận Trung ương kan nsum tay lhăt, n'hao âk tâm nkoch nău lư, tâm ôp ăp nkô̆ way kan n'hanh đề tài gŭ mĭn mpeh lý luận, nău mĭn n'hanh nkoch trêng rhŏ dŏng an nău tor luh trong kan têh jong, trong hun hao tâm ban kơt tâm ôp nău tă ơm gĭt kan tâm rnôk rdâk njêng chủ nghĩa xã hội ta ăp dak.

VOV/Nuĭh rblang: Điểu Thân