Bah năp nau tât bah phŭt mrô 3 (Yagi) ndrel nau khuch lơi ba kơi, kêng măng 9/9, ta ntŭk kan Trung ương Đảng, Tổng Bí thư, Kruanh dak Tô Lâm ƀư tơm nar rƀŭn Bộ chính trị gay rđau nau kan ndal ân ƀư nkre gay rklaih nau khuch. Tổng Bí thư, Kruanh dak Tô Lâm lah rjăp, nau rklaih nau khuch yor phŭt Yagi lơh lah nau kan ndal tâm pơh aơ ndrel lam ntrong kan chính trị, ân kơl an prêh ngăn.

Bộ chính trị, Ban bí thư tâm kơl ma ăp ntŭk kan, rmôt kan, n’gor, ăp rnăk ndrel ăp nŭih geh nau khuch yor phŭt lơh, nkre rnê Chính phủ, Thủ tướng Chính phủ, rmôt tahen, công an, ăp n’gâng kan hŏ rgum âk nŭih nchrăp rdâng tă bah ơm ngai đah phŭt mrô 3. Nkah tât nau kan ân geh ƀư nkre, Tổng Bí thư, Kruanh dak Tô Lâm đă ăp gưl kan, ntŭk kan ân geh rgum ƀư nau nchrăp ndrel nau kan rklaih khuch bah phŭt lơh. Tâm nê, lŏ ƀư nau kơl an ăp nŭih ƀon lan dôl geh kol, ê saơ joi, dŏng ăp ndơ ueh ngăn gay ma tât kơl ăp nkuăl ma rnôk aơ dôl kol, roh tâm rnôk geh phŭt dak lip./.