Kêng măng 27/8, Tổng Bí thư, Kruanh dak Tô Lâm lĕ ƀư tơm rơh rƀŭn Tiểu ban Văn kiện Đại hội 14 bah Đảng an rgop mpeh dự thảo mbơh an chính trị yor Rmôt nchih rgum ndâk njêng. Tĭng tâm dự thảo mbơh n’hanh rgop an tâm nchră ta rơh rƀŭn, ntoh ngơi n’glôn jêh, Tổng Bí thư, Kruanh dak Tô Lâm uănh lah prêh ăp nău nsrôih bah Rmôt nchih rgum Văn kiện lĕ pah kan đah nuih n’hâm nchrăp lor, lĕ đah nău kan gay mbơh an Tiểu ban dự thảo mbơh an chính trị rơh tal 6 jêh âk rơh nkra rgâl, rgop nău.

Gay lôch jêh tay Dự thảo mbơh an chính trị mbơh Bộ Chính trị uănh mĭn tay, an rgop nău, lôch jêh mbơh an rƀŭn nchră Trung ương 10 êp tât tŏng ăp nău đă mpeh uĕh nâp n’hanh ngăch, Tổng Bí thư, Kruanh dak Tô Lâm lah rjăp, nkô̆ nău mbơh an dơi ta nău mĭn êng, nău ntrŭnh, an tâm ban wât mpeh ntơm luh lịch sử mhe. Tổng Bí thư, Kruanh dak Tô Lâm dŭt uănh Rmôt nchih rgum an mât uĕh ƀon lan ƀư tơm n’hanh nău mĭn nsum, nuih n’hâm tâm rnôk tâm nchră, ryơk nău rgum ndrel, jêng nău tâm ban ŭch âk.