Tâm rnôk hăn pah kan tât Hoa Kỳ râng tâm nchră gưl têh nău rêh let năp tay n’hang Đại hội đồng Liên hợp quốc Khóa 79, Tổng Bí thư, Kruanh dak Tô Lâm hŏ geh rơh mâp n’hanh tâm ôp đah đảng cộng sản, mpôl kan cánh tả n’hanh băl mpôl Hoa Kỳ ta New York.

Tổng Bí thư, Kruanh dak Tô Lâm lah uĕh ăp băl mpôl hŏ dăp rgum mông nar tât râng rơh mâp, mpơl nău uănh khlay, rngot rhơn bah năp nău n’grŏ tĭng, nău rŏng bah ăp băl cộng sản, năl mpôl, ƀon lan Hoa Kỳ đah Đảng, Ngih dak n’hanh ƀon lan Việt Nam rlău ăp rơh. Tổng Bí thư, Kruanh dak Tô Lâm hŏ nkoch gĭt ăp nău dơi bah Việt Nam lôch bơi 40 năm rgâl mhe, ăp nău dơi hŏ geh tâm trong an ƀư ăp rnoh tât kan bah Đại hội XIII; mbơh Đại hội XIV bah Đảng Cộng sản Việt Nam tâm bôk năm 2026 mbra lah n’gâng tơm khlay, ntơm rơh hung jong săk bah rnoi nuĭh Việt Nam kalơ trong hao tât chủ nghĩa xã hội. Nkhêp geh rnôk dja, Tổng Bí thư, Kruanh dak Tô Lâm mbah rhơn n’hanh ntăm an Huân chương hữu nghị an ăp nuĭh geh âk  nău rgop uĕh, khlay, rgop n’hao dăng tâm boh đah ƀon lan bar dak.