Nkhêp di rơh râng rƀŭn nchră nsum gưl prêh Đại hội đồng Liên hợp quốc ta Hoa Kỳ, lơ 24/9, Tổng Bí thư, Kruanh dak Tô Lâm lĕ mâp kruanh du đêt dak. Ta rơh mâp Tổng thống Bungari, Tổng Bí thư, Kruanh dak Tô Lâm mĭn lah Việt Nam uănh khlay n’hanh mpŏng ŭch n’hao lơn tay tâm boh kan ndrel âk ntil đah Bungari; mĭn lah Việt Nam uănh khlay n’hanh nkah gĭt nău kơl bah nuĭh ƀon lan Bungari đah Việt Nam tâm rơh njrăng n’gang dơi geh đăp mpăn bah năp đaơ n’hanh ndâk njêng neh dak nar aơ.

Mâp Tổng thống Phần Lan Alexander Stubb, Tổng Bí thư, Kruanh dak lah uĕh Chính phủ n’hanh nuĭh ƀon lan Phần Lan lĕ ntop kơl Việt Nam tâm lvang jêr jŏt bah năp đaơ n’hanh ntơm hun hao, kơt lĕ njual nău chop khâl, ntrŭt đă nuĭh ƀon lan Việt Nam mkra khuch khat bah rơh phŭt mrô 3 mhe rlău. Ta rơh mâp Kon kđăch Kuwait Sheikh Sabah Al-Khaled Al-Sabah, Tổng Bí thư, Kruanh dak Tô Lâm đă 2 ding tâm rgâl tay mpôl gưl prêh n’hanh ăp gưl, mbơh ƀư săk rnglăy ăp trong kan ndrel. Việt Nam nchrăp wơt ăp doanh nghiệp Kuwait n’hao ntuh kơl an Việt Nam.