Tâm rnôk hăn khâl gưl kan Ngih dak tât Cuba, kêng măng 26/9, Tổng Bí thư, Kruanh dak Tô Lâm hŏ tât khâl, nkoch bri đah cán bộ, nŭih kan bah Ntŭk kan ntoh măt ndrel ntoh măt ƀon lan Việt Nam. Tổng Bí thư, Kruanh dak rnê prêh nau tă geh bah ntŭk kan ntoh măt dak nơm ndrel ăp ntŭk kan ntoh măt tâm nau ƀư ăp nau kan bah Đảng, Ngih dak jao, kơp dơn nau nsôih, tâm rnglăp, nsôih tâm nau kan, bah nê rgop tâm nau hun hao bah Cuba ndrel tâm boh 2 dak.

Du tŏ tay đŏng lah rjăp, nau tâm boh tâm rnglăp ơm, tâm boh ăp ntil Việt Nam-Cuba mô rlu geh ƀư nâp ndrel hun hao tâm âk nau kan, rđau kan Đảng, bar dak âk tŏ lah rjăp nau tâm boh 2 dak lah nau ntoh lư tâm đah bar “dak xã hội chủ nghĩa”, “nau ntoh rnôk mhe”. Tổng Bí thư, Kruanh dak mbơh rơh khâl Cuba rơh aơ lah rnôk gay ma du tŏ tay đŏng lah rjăp, Đảng, ngih dak ndrel ƀon lan Việt Nam uănh khlay tâm boh kan nsum tâm rnglăp ndrel ngăn ngên tâm boh đah bar Đảng, bar dak ndrel bar rnoi mpôl, ŭch hun hao rjăp ndrel n’hao tâm boh Việt Nam-Cuba tâm rnôk mhe./.