Ôi 4/9, ta Nhih pah kan kruanh dak, Tổng Bí thư, Kruanh dak Tô Lâm mâp măt mpôl ntơh măt dơi mpư rnê tâm trong leo tâm rlong nsŏng kơl trong kan ngăch prăl, rhŏ dŏng uĕh” lvang năm 2019-2024.

Lah ta rơh mâp măt, ntơh măt kruanh rđău kan Đảng, Ngih dak, Tổng Bí thư, Kruanh dak Tô Lâm mpư rnê n’hanh mbah rhơn Công đoàn Viên chức Việt Nam hŏ tĭng ƀư jăp trong leo kan n’hanh 150 nuĭh ntoh lư tâm trong leo nsŏng kơl trong kan ngăch prăl, rhŏ dŏng uĕh” dơi mpư rnê. Tổng Bí thư, Kruanh dak Tô Lâm lah rjăp, ăp nuĭh ntoh lư ta rơh mâp măt dja lah ăp nuĭh dŭt ngăch prăl, lĕ nuih n’hâm, nănh mĭn, nănh ƀư, nănh dơn nău kan, nănh rgâl mhe, nău  kan yach ngăch âk, săk blău uĕh; nău dơn kan âk tâm nău kan; lĕ nuih n’hâm, lĕ suan rhal an nău kan nsum, pêt mât neh dak, rhŏ dŏng ƀon lan.