Tâm rnôk râng tâm nchră gưl têh nău rêh let năp tay, Đại hội đồng Liên hợp quốc Khóa 79, pah kan ta Hoa Kỳ, nar 25/9/2024, Tổng Bí thư, Kruanh dak Tô Lâm hŏ geh rơh mâp đah Tổng thống Hoa Kỳ Joe Biden. Ta rơh mâp, Tổng Bí thư, Kruanh dak Tô Lâm mpơl nău lah uĕh tât Tổng thống Biden mpơl nău tâm pă rngot klâng jru bah năp roh hăn bah Tổng Bí thư Nguyễn Phú Trọng, nkre lah uĕh nău ntop kơl năn ngăch bah Chính phủ Hoa Kỳ rong an ƀon lan Việt Nam tâm rơh phŭt Yagi mhe aơ.

 Bar kruanh rđău kan mpơl nău rhơn bah năp ăp nău dơi hŏ geh lôch du năm an ƀư tâm boh têh jong lam lĕ rngôch, tâm di đah nău ŭch rŏng n’hanh nău geh bah lĕ bar ding, rgop mât đăp mpăn, tâm boh, hun hao bah nkual n’hanh lam ntŭr neh. Mpeh ăp nkô̆ nău dak bah dih n’hanh nkual ndrel uĕnh khlay, bar kruanh tâm ban ŭch bar ding n’hao dăng tay tâm boh ta ăp rơh rgum nchră tâm nkual n’hanh dak bah dih, tâm nê geh ASEAN, Tâm boh Mekong-Hoa Kỳ, APEC, Liên hợp quốc…rgop tâm nău ntrŭt ntrôl tâm dâl nău, bah tâm lơh tâm su, đăp mpăn, tâm boh n’hanh hun hao ta nkual n’hanh lam ntŭr neh.