Nthoi tay ăp nău kan tâm rnôk hăn pah kan ta New York, Hoa Kỳ, Tổng Bí thư, Kruanh dak Tô Lâm hŏ geh rơh mâp đah Tổng Thư ký Liên hợp quốc António Guterres. Ta rơh mâp, Tổng Bí thư, Kruanh dak nkoch ăp nău năl bah Tổng Thư ký Liên hợp quốc mpeh nô nău dak bah dih n’hanh ăp ntul rlong âk ding ma lam ntŭr neh dôl ât rdâng. Tổng Bí thư, Kruanh dak lah uĕh nău ntop kơl bah ăp mpôl kan Liên hợp quốc ta Việt Nam tâm nău rdâng lơh đah nău tât trôk nar lơh.

Tổng Bí thư, Kruanh dak dăn đă Tổng Thư ký Liên hợp quốc uănh khlay ntrŭt ntrôl tay ăp nău kan tâm boh kơt ndơ̆ rgâl ŭnh nar, rgâl kloh uĕh, rgâl mbrô, rdâk njêng trong mât kan mbrô… tâm nê, uănh khlay tât nău geh bah ăp dak dôl hun hao, lĕ ma Việt Nam. Wa Gutteres lah uĕh n’hanh rnê âk nău tât râng rgop bah mpôl kan Việt Nam ta ăp nhih pah kan khlay, tâm  ban ta lĕ rngôch ăp trong kan an ƀư lor bah Liên hợp quốc, lơn lah mpeh mât đăp mpăn, tĭng ƀư ăp rnoh tât kan hun hao jŏ jong, rdâng lơh đah rgâl trôk nar.