Nkhêp di rơh Tết Trung thu 2024, nar 13/9, Tổng Bí thư, Kruanh dak Tô Lâm lĕ njuăl sam ƀŭt an kon se Việt Nam gŭ tâm n’hanh bah dih dak, ăp mon nuĭh dak bah dih ta Việt Nam. Tâm sam ƀŭt, Tổng Bí thư njuăl tât ăp mon druh ndăm kon se rchong Việt Nam tâm n’hanh bah dih dak, ăp mon nuĭh dak bah dih ta Việt Nam ăp nău ŭch, uĕh răm ngăn tâm rơh Tết Trung thu, Tết bah kon se. N’hanh, mpong ŭch ăp rơh Tết Trung thu mbra ăp nău uĕh bah kon se.

Tổng Bí thư njuăl nău tâm pă jêr jŏt đah kon se nkual dak bŭk: “Trung thu năm aơ mô dơi tŏng ăp yor trôk nar lơh lĕ ƀư ăp nău khuch hô đah âk rnăk wâl, thôn ƀon, phường xă. Âk mon kon se mô lap lĕ roh, âk mon roh me bơ̆, roh ngih wâl, rêh tâm nău dŭt jêr jŏt. Wa dăn njuăl nău tâm pă rngot âk ngăn tât nuĭh bên, rnăk wâl ăp mon lah nuĭh rmanh bah phŭt sial n’hanh mpŏng lĕ rngôch he janh dăng let rlău nău ji, nău rngot aơ. Đah ăp mon ta ăp nkual phŭt, dak lip, Wa ntĭnh ăp mon njrăng đăp mpăn rnôk hăn nti, pâl rlưn. Dêr ăp ntŭk klach, mô pâl  rlưn êp dak me, dak diăng, dak n’glău, nkah gĭt nău me bơ̆, nai gay mât njrăng êng săk nơm n’hanh băl mpôl”.