Ôi 16/9, ta Nhih pah kan kruanh dak, Văn phòng Kruanh dak kan nsum đah Viện Kiểm sát ƀon lan gưl têh ƀư Lễ mbơh n’hanh n’glêh n’hao an Groi Viện trưởng Viện Kiểm sát ƀon lan gưl têh. Ntơh măt Kruanh rđău kan Đảng, Ngih dak, Tổng Bí thư, Kruanh dak Tô Lâm hŏ ntăm n’glêh n’hao an wa Hồ Đức Anh, Kiểm sát viên Viện kiểm sát ƀon lan gưl têh, Vụ trưởng Vụ Tĭng ƀư nău dơi lah phong n’hanh ôp uănh nău tih wăng sa, ƀư Groi Viện trưởng Viện kiểm sát ƀon lan gưl têh.

Tổng Bí thư, Kruanh dak đă wa Hồ Đức Anh ân nsrôih ndrel mpôl kruanh rđău kan Viện kiểm sát ƀon lan gưl têh rgâl mhe ăp ntil pah kan, mât chăm nău leo mpôl Đảng kloh rsang, nâp dăng, rdâk njêng n’gâng kan kiểm sát ƀon lan nâp dăng, lam lĕ rngôch n’hanh rdâk njêng rmôt cán bộ, công chức, viên chức kloh rvah, sŏng dăng, di ngăn, uănh di na nê̆, mô njrŏ rlôn kơt Wa Hồ hŏ ntĭm nti. Nkre nsing nơm an lah wa Hồ Đức Anh nsrôih ƀư lôch jêh tay nău kan dơi jao.