Ndơn kan an nuĭh leo kan Đảng, ngih dak, Tổng Bí thư, Kruanh dak Tô Lâm rhơn wa Nguyễn Minh Tâm geh săch ƀư Đại sứ Đặc mệnh mât uănh lĕ nău kan Việt Nam ta Lào.

Pă nău kan an Đại sứ geh săch kan, Tổng Bí thư, kruanh dak Tô Lâm lah na nê̆, Việt Nam n’hanh Lào lah 2 dak kiau meng geh nău tâm boh kan ndrel, nău tâm boh kan khlăy, tơm, geh âk nău ueh khlăy, nău kan khlăy tâm nĕ geh nău rnă njrăng n’hanh hun hao bâh Việt Nam, nkre lah an lor bôk năp tâm nău kan nchră nău đah dak bah dih bâh Việt Nam. Tổng Bí thư, Kruanh dak ŭch đồng chí Nguyễn Minh Tâm n’hao nău kan lah kruanh ntŭk kan ndơn kan , lah ntung jŏ ƀư ndranh kơl nău tâm rnglăp hun hao ueh đah Lào- Việt Nam, nđâp mpeh chính trị-nchră nău đah dak bah dih, wăng sa- tăch rgâl, văn hóa, pâl nđaih..ntrôl an doanh nghiệp têh n’hanh geh knơm bâh Việt Nam tât ntuh kơl ta Lào, tâm rgop âk an nău hun hao wăng sa- rêh jêng bâh Lào.