Ôi ntri (29/8) ta Hà Nội, Tổng Bí thư, Kruanh dak Tô Lâm ƀư tơm rơh pah kan đah Ban cán sự Đảng Bộ Ngoại giao mpeh an ƀư gung trong tâm boh dak bah dih Đại hội XIII bah Đảng n’hanh hun hao n’gâng kan tâm boh dak bah dih tâm let năp tay. N’glôch jêh rơh pah kan, Tổng Bí thư, Kruanh dak Tô Lâm rnê ăp nău dơi lam lĕ rngôch bah lam n’gâng kan tâm boh dak bah dih ntơm bah  bôk năm Đại hội 13 bah Đảng tât aƀaơ.

Lah rjăp đah nău nsing ndăl n’hanh suan ntrôl dăng lôch 40 năm rgâl mhe neh dak, let năp tay Tổng Bí thư, Kruanh dak Tô Lâm dăn đă, lam n’gâng kan tâm boh dak bah dih lor nchrăp ngăch ban saơ trong dơh soih, ntul rlong, rgop âk bah n’gâng kan tâm boh dak bah dih tâm nău tĭng ƀư geh nău dơi ăp rnoh tât kan 100 năm ta nâm nău rđău kan bah Đảng, 100 năm njêng dak Việt Nam dân chủ cộng hoà aƀaơ lah dak Cộng hoà XNCN Việt Nam; n’hao têh hvi tay nău rgop bah Việt Nam an n’gâng kan cách mạng lam ntŭr neh an đăp mpăn tâm boh hun hao n’hanh rgâl mhe bah ntil kon nuĭh.