Ôi 11/5 ta Hà Nội, Tổng Bí thư, Kruanh dak Tô Lâm ƀư tơm rơh pah kan đah nsum mpôl Văn phòng Kruanh dak mpeh nău an ƀư nău dơn kan bah Văn phòng Kruanh dak tâm let năp tay.

 N’glôch jêh rơh pah kan Tổng Bí thư, Kruanh dak Tô Lâm nkoch kloh ntŭk gŭ kan têh khlay bah Văn phòng Kruanh dak tâm nău râng kơl kan an Kruanh dak n’hanh Groi Kruanh dak; nkre rnê âk nău kan bah Văn phòng tâm bah ri aơ nơh ntoh lư lah săk blău kan nsŏng kơl nar lơn ma dơi rgâl uĕh ntơm lăp dŏng nău kan dơi jao, mpơl nuih n’hâm dơn kan n’hanh nău way ơm uĕh lăng bah Văn phòng. Lah rjăp nău ŭch geh nar lơn ma âk tâm nô nău mhe, Tổng Bí thư, Kruanh dak dăn đă, Văn phòng Kruanh dak rgum tĭng ƀư 8 rmôt nău kan rgum tơm, tâm nê Văn phòng ân n’hao săk tam nsŏng kơl rhŏ dŏng, tâm pă kloh rvah nău khlay tĭng rmôt kan, nuih n’hâm lah ngăch di mô geh tih leh, di nău kan, nsĭt geh nău dơi tam.