Kêng măng 3/9, ta Ngih Trung ương Đảng, Tổng Bí thư, Kruanh dak Tô Lâm lĕ rgum nchră trực tuyến gưl prêh đah Kruanh Đảng Dân chủ Tự do, Thủ tướng Nhật Bản Kishida Fumio. Tổng Bí thư, Kruanh dak Tô Lâm mĭn lah Nhật Bản lah dak kan ndrel khlay bah Việt Nam tâm nău kan nchră nău đăp mpăn, nchrăp êng, tâm rnglăp dăch dêh, kan ndrel n’hanh hun hao.

2 ding tâm ban ŭch n’hao tay nsing nơm chính trị, tâm wât ndrel tă bah tâm rgâl gưl prêh đah âk trong ngăch, mât uĕh săk rnglăy ăp trong ƀư tâm nchră, kan ndrel ăp ding. 2 ding tâm ban ŭch kan ndrel wăng sa n’gâng tơm bah tâm boh 2 dak, hăn jru boăt nthoi 2 jâng wăng sa. 2 ding tâm rgâl mpeh ăp nău lam ntŭr neh, nkual ndrel uănh tât, tâm ban ŭch n’hao kan ndrel nâp nâl ntŭk ntô đăp mpăn rnă njrăng, đăp mpăn ta nkual, tâm nĕ geh nău Biển Đông.