Dơn nău jă bah Tổng Bí thư, Kruanh dak Tô Lâm, Tổng thống Cộng hòa Guinea-Bissau Umaro Sissoco Embaló khâl ngăn Việt Nam ntơm bah nar 05-08/9. Kêng măng 6/9, lôch ƀư wơt ngăn ta Nhih pah kan kruanh dak, Tổng Bí thư, Kruanh dak Tô Lâm hŏ tâm nchră đah Tổng thống Umaro Sissoco Embaló.

Ta rơh tâm nchră, bar kruanh rđău kan hŏ tâm ôp n’hanh n’gluh ăp trong rƀŏng gay n’hao dăng lơn đŏng nău dơi tâm boh bar ding tâm let năp tay; tâm ban ŭch kan nsum lhăt tâm boh wăng sa, tăch rgâl, ntuh kơl; mât dŏng tay ndơ săk geh way ơm lah găr điều, nkre rong an ăp trong kơl lor gay ntrŭt ntrôl âk ndơ tăch n’gluh, n’glăp, nta trong dơh an mpôl doanh nghiệp bar dak joi trong tâm boh, tăch rgâl nsum ta bar dak. Lôch tâm nchră, bar kruanh rđău kan hŏ uănh saơ lễ ký siƀŭt nchih nkah mpeh njêng trong tâm nsŏng kơl chính trị n’hanh tâm boh đah bar Bộ Ngoại giao n’hanh siƀŭt nchih nkah mpeh tâm boh tuch tăm đah bar Bộ Nông nghiệp n’hanh Phát triển nông thôn.