Kêng măng 28/8, ta Ngih Trung ương Đảng, Tổng Bí thư, Kruanh dak Tô Lâm lĕ wơt wa Lưu Ninh, Ủy viên Trung ương Đảng, Bí thư Đảng ủy Nkual mât uănh êng rnoi nuĭh Choang Quảng Tây, Trung Quốc nkhêp di rơh khâl n’hanh pah kan ta Việt Nam. Kruanh dak Tô Lâm uănh lah prêh nkô̆ nău rơh khâl, mât uănh nău ƀư hăn lor tâm ăp ntŭk n’har bri 2 dak gay na nê̆ wât nsum mhe ngăn đah kruanh gưl prêh 2 Đảng, 2 dak mpeh n’hao lơn tay tâm boh kan ndrel lĕ rngôch, ntrôl ndâk njêng Nsum mpôl tâm rgŏ năm Việt Nam-Trung Quốc.

Tổng Bí thư, Kruanh dak Tô Lâm mĭn lah Kruanh kruanh gưl prêh 2 Đảng, 2 dak uănh khlay n’hanh kơl lor bôk năp hun hao tâm boh Việt Nam-Trung Quốc an nău uănh tât hun hao tâm boh dăch dêh, kan ndrel đah 2 n’gor kâng n’har 2 dak, tâm nĕ geh nău tâm boh đah Quảng Tây n’hanh ăp n’gor n’har bri Đông Bắc bah Việt Nam