Ôi 17/9, ta Ntŭk Kruanh dak, Tổng Bí thư, Kruanh dak Tô Lâm wơt Đại sứ ăp dak, Sri Lanka, Áo n’hanh Đại sứ dơn kan tât mbơh Quốc thư dơn nău kan ta Việt Nam. Wơt Đại sứ Sri Lanka, Tổng Bí thư, Kruanh dak nsing nơm đah nău blău ơm bah nuĭh tâm rnglăp nchră nău blău kan n’hanh wât mpeh nkual, Đại sứ mbra geh âk nău rgop ngăn ngên an nău ntrôl tâm boh Việt Nam-Sri Lanka hun hao uĕh.

Tâm ban ŭch đah ăp uănh lah mpeh trong hun hao tâm boh 2 dak tâm năm tât bah Đại sứ, Tổng Bí thư, Kruanh dak an lah an rgum ntrôl n’hao nsing nơm chính trị; ăp nău ƀư tâm rgâl rmôt kan n’hanh tâm mâp gưl prêh n’hanh ăp gưl. Ndrel nar, wơt 14 Đại sứ dơn kan mbơh Quốc thư, Tổng Bí thư, Kruanh dak Tô Lâm mpŏng ăp nuĭh Đại sứ tâm năm pah kan mbra ƀư uĕh nău ƀư tơm “ntung nthoi” dăch dêh n’hanh kan ndrel, rgum n’hanh hun hao lơn tay tâm boh đah Việt Nam n’hanh ăp dak ma ăp Đại sứ ntoh măt; nkre mĭn lah, Việt Nam mbra nta nơih an ăp nuĭh Đại sứ lôch uĕh nău kan.