Nar 10/5, ta Hà Nội, Tổng Bí thư Nguyễn Phú Trọng, Kruanh Ƀan rđău đă Trung ương mpeh njrăng, n’gang sa khâm, tih djơh hŏ ƀư tơm rơh hop Rnâng kan ƀan rđău đă Trung ương mpeh njrăng n’gang sa khâm, tih djơh gay mĭn uănh âk nkô̆ khlay. Lah n’glôch jêh rơh hop, Tổng Bí thư Nguyễn Phú Trọng lah rjăp mhe aơ ăp nhih pah kan dơi kan hŏ kan nsum nar lơn ma geh nău tam, dơn ngoăy âk tâm trong dâk kan, geh nău dơi ngăn ngăn, ƀon lan tĭng groi nđôi n’hanh mpơl nuih n’hâm tâm ban ŭch.

 Mpeh nău dơn kan let năp tay, Rnâng kan Ban rđău đă ăp gưl, mpôl kan đảng, nhih pah kan dơi kan ntrôl dăng tay pah kan rlăch ndăng sa khâm, tih djơh đah nuih n’hâm “rôih dăng, mô gŭ rlu, rkiăt lơh, mô geh nkual mpăng, mô geh mha êng bah dih, bol moh nuĭh”, an tĭng ƀư geh nău tam ăp nău dơn kan njrăng, n’gang sa khâm, tih djơh tĭng n’glôch jêh rơh hop tâl 23 bah wa Tổng Bí thư, Kruanh Ban rđău đă n’hanh bôk nău kan năm 2023 bah Ban rđău đă.