Ôi 3/7, Tổng Bí thư Nguyễn Phú Trọng, Bí thư Quân ủy Trung ương ƀư tơm  rơh tâm nchră quân ủy Trung ương tâl 6. Tĭng nău mbơh tâm nchră, 6 khay aơ Quân ủy Trung ương, Bộ Quốc phòng n’hanh gưl ủy, chỉ huy ăp gưl hŏ rđău đă lam tahen tâm rnglăp, dơn ngoăy, lor nkra bah jêr jŏt, ƀư lôch jêh ăp nău dơn kan. Tâm nê, ntoh lư lah lor gŭ mĭn, uănh năl nô nău, nsŏng kơl, dăn đă đah Đảng, Ngih dak nkra geh nău tam ăp nău tât, mô an ndrât ndal, mât njrăng nâp ƀư tơm bah neh dak.

An tĭng ƀư jăp ăp nghị quyết bah Quân ủy Trung ương mpeh tiăr nti, ntĭm nti; săk tam tiăr nti, ntĭm nti, nti pănh ngăn, rơh tâm rlong, hội thao ta ăp nhih pah kan, đơn vị n’hanh ăp nhih nti dơi n’hao prêh. Prao khay kêng dŭt năm, Quân ủy Trung ương ntrŏng du đêt nău dơn kan rgum tơm rđău đă tâm pah kan tahen, njrăng n’gang neh dak, tâm nê rdâk njêng tay Đảng bộ tahen nâp dăng mpeh chính trị nău mĭn, nuih n’hâm uĕh lŏng, mpôl kan n’hanh cán bộ; Tahen nâp dăng mpeh chính trị. Rgum rđău đă an tĭng ƀư ăp nău dơn kan rgum tơm tât lĕ năm kan Đại hội XIII bah Đảng, ăp nghị quyết, n’glôch jêh nău dơn kan tahen, njrăng n’gang neh dak, mât njrăng neh dak tâm nô nău mhe./.