VOV4.M’nông – Ôi 15/4, đah nău ƀư tơm bah Tổng Bí thư Nguyễn Phú Trọng, Bộ Chính trị, Ban Bí thư ƀư rƀŭn nchră lam dak mât uănh n’hanh mbơh ƀư tĭng Nghị quyết 11 bah Bộ Chính trị mpeh trong hun hao wăng sa rêng jêng, đăp mpăn rnă njrăng bri dak nkual Trung du n’hanh nkual yôk Bắc Bộ tât năm 2030 uănh tât năm 2045.

Lam ntŭk rƀŭn nchră.

Rblang mpeh ăp nău an ƀư n’hanh m’hâm ƀư gay dơi geh săk rnglăy Nghị quyết bah Bộ Chính trị rơh aơ, Tổng Bí thư Nguyễn Phú Trọng lah rjăp 5 nău đah 14 n’gor tâm nkual n’hanh đah ăp N’gâng kan nău kan Trung ương, tâm nĕ an mât uănh tŏng ăp, di n’hanh geh nkô̆ nău têh, nău rƀŏng, nău đă, nkô̆ nău bah Nghị quyết, gĭt nâp ăp nău mĭn êng, nău mĭn ntĭm rđău, ăp nău kan an ƀư. Nta an tâm ban ŭch âk gĭt wât lĕ rngôch ăp gưl, nău kan, bah nuĭh ƀon lan n’hanh nsum mpôl ăp doanh nghiệp mpeh ƀư tơm, ntŭk kan khlay bah nkual. Nuih n’hâm an wât n’hanh mkra di ngăn, uĕh ngăn nău tâm boh đah hun hao nkual nkual n’hanh hun hao nsum bah lam dak. Aơ lah nău kan dŭt n’hâm geh nkô̆ n’hanh khlay, ƀư lĕ nău kan bah lam Đảng n’hanh lam dak đah ƀon lam ăp rnoi mpôl nkual Trung du, nkual yôk Bắc Bộ.

Nuĭh rblang: Y Sưng Phê Ja