Ôi 16/8/2023, ta Nhih pah kan Trung ương Đảng, Tổng Bí thư Nguyễn Phú Trọng, Kruanh Ban rđău đă, ƀư tơm rơh hop tâl 24 Ban rđău đă mpeh njrăng n’gang sa khâm, tih djơh gay tâm nchră, an nău rgop mpeh lôch jêh kan bah Ban rđău đă 6 khay bôk năm 2023 n’hanh ŭanh tay pah kan  njrăng n’gang sa khâm, tih djơh  ntơm bah bôk năm kan Đại hội XIII bah Đảng tât aƀaơ; ntrŏng nău dơn kan rgum  tơm pah kan ăp khay kêng dŭt năm n’hanh let năp tay.

Bah năp nê, nar 10/5, Rnâng kan Ban rđău  đă Trung ương mpeh njrăng n’gang sa khâm, tih  djơh (Ban rđău đă) ƀư rơh hop ta nâm nău ƀư tơm bah Tổng Bí thư Nguyễn Phú Trọng. Ta rơh hop dja, Rnâng kan Ban rđău kan đă ăp gưl ủy, mpôl kan đảng, nhih pah kan dơi kan ntrôl dăng tay pah kan rlăch ndăng, njrăng n’gang sa khâm, tih djơh đah nuĭh n’hâm “rôih dăng, ƀư mbro, mô gŭ rlu, mô geh  nkual mpăng, mô geh mha êng bah dih, bol nê lah moh nuĭh”, an tĭng ƀư geh nău tam ăp nău dơn kan njrăng, n’gang sa khâm tih djơh tĭng n’glôch jêh Rơh hop tâl 23 bah Tổng Bí thư, Kruanh Ban rđău đă n’hanh bôk pah kan năm 2023 bah Ban rđău đă.