Tổng Bí thư Nguyễn Phú Trọng ƀư tơm rơh hop bah Bộ Chính trị an nău rgop mpeh Đề án n’glôch jêh 20 năm tĭng ƀư ntô̆ n’hao suan dăng tâm rnglăp lam rnoi nuĭh.

  Ôi 16/6, ta Nhih pah kan Trung ương Đảng, Tổng Bí thư Nguyễn Phú Trọng ƀư tơm rơh hop Bộ Chính trị, Ban Bí thư an nău rgop  mpeh Đề án n’glôch jêh 20 năm tĭng ƀư Nghị quyết mbrô 23-NQ/TW, nar 12/3/2003 bah Ban Chấp hành Trung ương Đảng khoá IX mpeh ntô̆ n’hao suan dăng tâm rnglăp lam rnoi nuĭh yor an neh dak geh ndrŏng, lam rêh jêng kon nuĭh geh nău tâm ban, ƀư tơm, rsang rnglăy.

Lôch djăt Nhih pah kan rnâng kan Ban rđău đă rdâk njêng Đề án mbơh nkô̆ Đề án, Bộ Chính trị hŏ tâm nchră, dơn ngoăy uănh năl: Tâm ăp năm rlău aơ, suan dăng tâm rnglăp lam  rnoi nuĭh mô rlu dơi rdâk ƀư tay, n’hao dăng n’hanh ntô̆ n’hao, rgop ntrŭt ntrôl hun hao wăng sa- rêh jêng kon nuĭh, đăp mpăn njrăng n’gang neh dak, rnă njrăng, tâm boh dak bah dih, mât chăm nău rêh drăp ndơ, nuih n’hâm an ƀon lan; rdâk tay nău nsing nơm bah ƀon lan đah Đảng, Ngih dak. Pah kan rdâk njêng, dăp rgum ăp tŏng Đảng n’hanh lam trong kan chính trị êng dơi ŭanh khlay. Ta rơh hop Bộ Chính trị lah rjăp đŏng: Tâm rnglăp lam rnoi nuĭh lah nău way ơm khlay, gung trong têh jong bah Đảng, lah ndơ n’glêh an ăp ntil nău dơi tâm n’gâng kan rdâk njêng n’hanh mât njrăng neh dak. Tâm rnglăp lam rnoi nuĭh nsing kalơ ntô̆ n’hao geh nău tâm ban xã hội chủ nghĩa, uănh khlay nău dơi kon nuĭh, nău dơi ƀon lan, tĭng ƀư nău dơi ƀư tơm bah ƀon lan./.