Ôi 21/7, Tổng Bí thư Nguyễn Phú Trọng ƀư tơm rơh hop Bộ Chính trị, Ban Bí thư an nău rgop mpeh siƀŭt mbơh nô nău wăng sa- rêh jêng kon nuĭh 6 khay bôk năm, nău  dơn kan, trong nkra 6 khay kêng dŭt năm. Lôch rnôk tăng nău lư Ban cán sự đảng Chính phủ mbơh, an nău rgop bah ăp nhih pah kan, Bộ Chính trị, Ban Bí thư hŏ tâm nchră n’hanh dơn ngoăy: Bôk năp hŏ ŭch tĭng nău ŭanh năl wăng sa rêh jêng kon nuĭh 6 khay bôk năm tĭng nău mbơh bah Ban cán sự đảng Chính phủ: wăng sa têh dơi mât đăp mpăn; hao khlay ndơ dơi kân bah; ăp nău tâm rlak têh dơi đăp mpăn, rnoh ngih dak, rnon chính phủ, dŏng âk prăk ngân sách ngih dak dơi mât kân uĕh. 

Bộ Chính trị bôk năp hŏ ŭch mpeh nău dơn kan, trong nkra tơm 6 khay kêng dŭt năm, nkre lah rjăp tay du đêt nkô̆: an tĭng ƀư tay geh nău tam ăp nghị quyết, n’glôch jêh bah Trung ương, Bộ Chính trị, Quốc hội, Chính phủ; ndăn lĕ n’hâm suan rgum ôp uănh, ƀư lôch jêh trong kơl, pháp  luật. Ntrôl dăng tâm pă gưl nkre đah tâm pă tơm ndơ tâm di n’hanh n’hao dăng hăn ôp uănh, groi nđôi, mât kân; ôp uănh, dăp rgum tay nuĭh kan săk blău, geh nău dơi tam, nsĭt geh ngăn.