VOV4.M'nông: Kêng măng 10/3, ta Nhih pah kan Trung ương Đảng, ta nâm nău ƀư tơm bah Tổng Bí thư Nguyễn Phú Trọng, ăp kruanh rđău kan n'gâng tơm n'hanh Rnâng kan Ban Bí thư hŏ rgum hop, uănh năl ăp nkô̆ nău ntoh lư bah neh dak, nô nău dak bah dih tâm 2 khay bôk năm 2022 n'hanh nău kan rgum tơm tâm let năp tay. Ăp kruanh rđău kan n'gâng tơm năl lah, let năp tay dak he mbra tâm rdâng tay đah mô gĭt dah âk jêr jŏt, ntul rlong mhe ntoh luh, lơn lah nău tâm lơh ta Ukraine; mpet jâk hao khlay ndơ, rnoh khlay pring xăng hao; nô nău nuh srê hôm tât krit nji. N'glôch jêh rơh hop, Tổng Bí thư Nguyễn Phú Trọng dăn đă, ăp gưl n'gâng kan tâm boh jôn rbăn, rđău đă tĭng ƀư ăp nău kan geh nău tam. Tĭng nê, rgum an ƀư ăp kôp ăp trong rdâng lơh nuh srê Covid-19; tĭng ƀư ăp nău dơn kan, trong nkra bah bôk nău kan dâk hao tay n'hanh hun hao wăng sa - rêh jêng kon nuĭh; tĭng grêt dăch nô nău dak bah dih, đăp mpăn rnă njrăng n'hanh đăp mpăn săk rêh, drăp ndơ, nău geh tâm di an nuĭh ƀon lan; Rđău đă tay lĕ n'hâm suan pah kan njrăng n'gang sa khâm....

Nuĭh rblang: Điểu Thân