VOV4.M'nông: Ôi 17/6, ta nâm nău ƀư tơm bah Tổng Bí thư Nguyễn Phú Trọng, Bộ Chính trị ƀư tâm nchră lam dak an tĭng ƀư Nghị quyết 12 nar 16/3/2022 bah Bộ Chính trị mpeh “Ntrôl dăng rdâk njêng mpôl Công an ƀon lan kloh uĕh, nâp dăng, ngăch prăl, đăng hăr, blău mhe, tŏng  di ngăn đah nău ŭch geh kan tâm nô nău mhe”.

Tổng Bí thư Nguyễn Phú Trọng an lah, gay tĭng ƀư jăp lơn nău khlăy, nău dơn kan lah mpôl n'gâng tơm tâm pah kan mât rnă njrăng neh dak, mât đăp mpăn lam rêh jêng kon nuĭh; Đảng, Ngih dak n'hanh ƀon lan he mpôl Công an ƀon lan ân way njrăng lor, tĭng ƀư jăp nău way ơm dăng janh, n'gloh ang; mô rlu nsrôih, rlău ăp ntil nău jêr jŏt, ntul rlong, tĭng ƀư n'hanh lôch jêh uĕh ăp nău kan ma Đảng, Ngih dak n'hanh ƀon lan he jao an. Tổng Bí thư Nguyễn Phú Trọng dăn đă, lam mpôl kan ân êng uănh khlay tât 5 nkô̆ nău, tâm nê uănh khlay tât rdâk njêng mpôl công an geh han săk chính trị nâp dăng, du nuih n'hâm tĭng neh dak, đah Đảng, Ngih dak, ƀon lan n'hanh chế độ xã hội chủ nghĩa, rôih sŏng trong tât kan, nău di tĭng cách mạng bah Đảng.

Nuĭh rblang: Điểu Thân