Ôi 29/11, ta Nhih pah kan Trung ương Đảng, Bộ Chính trị, Ban Bí thư ƀư tâm nchră lam dak pơk sŏng dăng nkre đah mâp na nê̆ mbơh gĭt jru hvi, an tĭng ƀư Nghị quyết mbrô 30-NQ/TW bah Bộ Chính trị khoá XIII mpeh trong rƀŏng hun hao wăng sa- rêh jêng kon nuĭh, đăp mpăn njrăng n'gang neh dak, rnă njrăng ta nkual đồng bằng sông Hồng tât năm 2030 uănh ngai tât năm 2045.

Tổng Bí thư Nguyễn Phú Trọng ƀư tơm n'hanh geh nău lah rđău đă khlay ta rnôk tâm nchră.  Aơ lah rơh tâm nchră ƀư lôch jêh nău n'gluh an dŏng n'hanh mbơh gĭt lam hvi, an tĭng ƀư ăp Nghị quyết bah Bộ Chính trị khoá XIII đah lĕ rngôch 6 nkual hun hao wăng sa- rêh jêng kon nuĭh bah lam dak. Nkual đồng bằng sông Hồng geh 11 n'gor, nkual ƀon têh mpeh Trung ương. Tâm hang rbăn năm rdâk njêng n'hanh mât njrăng neh dak bah rnoi nuĭh, aơ way lah ntŭk n'gâng tơm bah Nkual Thủ đô, geh nkô̆ khlay jŏ jong, dŭt khlay bah lam dak mpeh chính trị, wăng sa, văn hoá, rêh jêng kon nuĭh, njrăng n'gang neh dak, rnă njrăng n'hanh tâm boh dak bah dih. Nghị quyết mhe mbra rgop njêng luh nău rgâl dăng, geh nkô̆ đăt ndal tâm rơh rgâl mhe, hun hao wăng sa- rêh jêng kon nuĭh, đăp mpăn njrăng n'gang neh dak, rnă njrăng ta nkual đồng bằng sông Hồng n'hanh lam dak tâm rơh hun hao mhe.

VOV/Nuĭh rblang: Điểu Thân