VOV4.M'nông: Ôi 24/1, Tổng Bí thư Nguyễn Phú Trọng leo mpôl hăn pah kan bah Trung ương hŏ tât khâl, mbah rhơn Tết Đảng bộ, n'gâng kan n'hanh ƀon lan Bắc Ninh. Lah ta rơh pah kan, Tổng Bí thư Nguyễn Phú Trọng dăn đă, Bắc Ninh ân mbơh gĭt jru hvi tay, nkoch trêng lam hvi Nghị quyết Đại hội XIII bah Đảng n'hanh Nghị quyết Đại hội lần thứ XX Đảng bộ n'gor, ƀư an nuih n'hâm Nghị quyết lăp tâm lam Đảng, lam ƀon lan, ƀư an ăp nuĭh gĭt ăp tŏng, jru lam trong dơh soih ân rƀah gĭt; ăp nău jêr jŏt, ntul rlong ân nsrôih rlău dơi.

Mô dơi uănh lhơ, di nuih n'hâm đah ăp nău hŏ dơi geh. Đảng bộ n'gor ân ndăn ngăch ôp uănh ăp nău kan hŏ ƀư dơi, ăp nău kan mô hŏ ƀư dơi, gay ntơm bah nê, ƀư jêng ngăn ngăn trong rƀŏng, nău tât kan, rnoh dơn kan ăp bôk nău kan, trong nchrăp, đề án đah nuih n'hâm nsrôih âk lơn, dâk kan lĕ n'hâm suan, dăng lơn, mât uĕh ăp săk geh, dơh soih bah n'gor./.

Nuĭh rblang: Điểu Thân