VOV4.M'nông: Kêng măng 15/4, ta nhih pah kan Trung ương Đảng, Tổng Bí thư Nguyễn Phú Trọng hŏ kuăl điện tâm nchră gưl têh đah Thủ tướng dak Cộng hòa Ấn Độ, kruanh rđău kan Đảng Ƀon lan Ấn Độ Narendra Modi. Ta rơh kuăl điện tâm nchră, Thủ tướng Narendra Modi lah rjăp Việt Nam lah du n'gâng tơm khlay tâm trong rƀŏng kan tâm boh đah dak bah dih bah Ấn Độ, lơn lah trong kan "Rƀŏng mpeh luh nar", mpơl nău rŏng uĕh lăng đah neh dak n'hanh ƀon lan Việt Nam.

Tổng Bí thư Nguyễn Phú Trọng lah rjăp tâm boh tâm rnglăp way ơm Việt Nam - Ấn Độ dơi ăp rơh kơn kruanh rđău kan n'hanh ƀon lan bar dak roh âk năm khay bun dăp n'hanh hun hao; nău krêp dêh jru mpehh lịch sử n'hanh văn hoá, ăp nău geh nsum ta âk nkô̆ nău dak bah dih uănh khlay ƀư jâng nsing an tâm boh n'hanh nău tâm kơl geh nău dơi nsum. Mpeh dak lêng, bar ding tâm ban ŭch mpeh nău khlay bah nău mât đăp mpăn, tâm boh, hun hao n'hanh uănh khlay luật pháp dak bah dih, tâm nê geh Công ước năm 1982 bah Liên Hợp Quốc mpeh Luật Biển, uănh khlay ƀư tơm, nău dơi ƀư tơm bah ăp dak mpeh nău dơi dah rŏng nchuăn rdeng trong trôk, trong dak lêng./.

Nuĭh rblang: Điểu Thân