VOV4.M'nông: Kêng măng 31/3, ta Nhih pah kan Trung ương Đảng, Tổng Bí thư Nguyễn Phú Trọng hŏ  kuăl điện tâm nchră gưl têh đah Thủ tướng Liên bang Đức, Kruanh Đảng Dân chủ Xã hội Đức Olaf Schoz. Ta rơh kuăl điện tâm nchră, Thủ tướng Olaf Schoz mbah rhơn nău dơi bah Việt Nam tâm hun hao neh dak, n'hao nău khlay kan n'hanh ntŭk gŭ kan ta lam ntŭr neh n'hanh lah rjăp nău uănh khlay bah Đức đah tâm boh têh jong Đức - Việt Nam dôl hun hao uĕh lăng, âk săk geh gay hun hao dăng tay.

Bar kruanh rđău kan tâm ban ŭch rđău đă ntrŭt ntrôl tâm boh tâm ăp trong kan bar dak ndrel uănh khlay tâm let năp tay. Mpeh dak lêng, bar dak tâm ban ŭch nău khlay mât đăp mpăn, tâm boh, hun hao n'hanh uănh khlay njêng pháp luật dak bah dih, tâm nê geh Công ước năm 1982 bah Liên hợp quốc mpeh Luật Biển. Mpeh nkô̆ nău dja, Tổng Bí thư Nguyễn Phú Trọng lah rjăp trong nchrăp mô rgâl bah Việt Nam lah uănh khlay ăp nău way tơm bah Liên hợp quốc, ŭch rŏng ăp ding geh tât ntrŭt ntrôl tâm nchră gay dŭt bah tâm lơh, plơ̆ tay đăp mpăn nsing kalơ uănh khlay nău geh di bah ăp ding, tâm di đah luật pháp dak bah dih./.

Nuĭh rblang: Điểu Thân