Măng nar 29/3/2023, ta Nhih pah kan Trung ương Đảng, Tổng Bí thư Nguyễn Phú Trọng hŏ kuăl điện tâm nchră gưl têh đah Tổng thống Hoa Kỳ Giô Joe Biden. Tổng Bí thư Nguyễn Phú Trọng lah rjăp Việt Nam tĭng du gung trong tâm boh dak bah dih sŏng êng, đăp mpăn, tâm rnglăp, tâm boh n'hanh hun hao, âk ntil, âk ding tâm boh, lor nchrăp n'hanh nsrôih uĕh lăp rgum dak bah dih, lah băl, lah dak tâm boh nsing nơm n'hanh lah dak lăp kan nsum nsrôih uĕh, geh nău dơn kan nsum mpôl lam ntŭr neh.

Tổng Bí thư an gĭt: Việt Nam mbra tâm boh đah ăp băl mpôl dak bah dih tâm nău n'hao dăng tâm rnglăp n'hanh tâm dâl nău, rdâk uĕh tay đăp mpăn, ntrŭt ntrôl hun hao. Việt Nam rhơn rnê Hoa Kỳ ŭch tĭng nău khlay ƀư rgum tơm bah ASEAN, ndrel ăp dak ASEAN ntrŭt ntrôl uănh ngai ASEAN mpeh Ấn Độ Dương - Thái Bình Dương. Tổng thống Hoa Kỳ Joe Biden lah rjăp Việt Nam lah dak tâm boh khlay, ŭch du Việt Nam "Đăp mpăn, nsrôih hao êng n'hanh têh ndrŏng", plơ̆ lah rjăp tay nău uănh khlay đăp mpăn, ƀư tơm, lam lĕ rngôch neh dak mpeh nău way chính trị bah Việt Nam. Ta rơh kuăl điện tâm nchră đŏng, Tổng thống Joe Biden tâm  ôp du đêt nkô̆ nău dak bah dih kơt rdâng lơh rgâl trôk nar, dâk hao tay wăng sa- rêh jêng kon nuĭh lôch bah nuh srê, tâm boh tâm ban- nău dơi kon nuĭh.