VOV4.M'nông: Ôi 22/4, Bộ Chính trị, Ban Bí thư ƀư tâm nchră lam dak mâp na nê̆ nkre pơk sŏng dăng bah ngai mbơh an tĭng ƀư Nghị quyết mbrô 13 bah Bộ Chính trị khoá 13 mpeh hun hao wăng sa rêh jêng kon nuĭh n'hanh đăp mpăn rnă njrăng neh dak Nkual Đồng Bằng Sông Cửu Long. Lah ta rnôk tâm nchră, Tổng Bí thư Nguyễn Phú Trọng hŏ rblang 3 nkô̆ khlay mbơh nău Bộ Chính trị ndơ̆ luh Nghị quyết mhe mpeh Nkual đồng bằng sông Cửu Long.

Tâm nê geh nkô̆ mhe ngăn tâm Nghị quyết 13, nê lah hŏ ntrŏng gĭt kloh rnoh tât lam lĕ rngôch n'hanh du đêt rnoh tât kan na nê̆ tât năm 2030: "Nkual đồng bằng sông Cửu Long lah nkual bri dak âk ndơ gŭ rêh, gĭt blău n'hanh jŏ jong, săk tơm văn hoá dak me; lah nkual rgum wăng sa tuch tăm jŏ jong, ngăch ngăr n'hanh nsĭt nău geh âk bah neh dak, nkual n'hanh lam ntŭr neh"...Tổng Bí thư Nguyễn Phú Trọng êng njrăng uănh 5 nkô̆ nău khlay ân dơi tĭng ƀư tâm let năp tay, đă, Ban cán sự đảng Chính phủ ndăn ngăch rdâk njêng, an dŏng bôk nău kan an ƀư Nghị quyết, jao nău kan na nê̆ an ăp n'gâng kan ta Trung ương n'hanh ăp n'gor tâm Nkual./.

Nuĭh rblang: Điểu Thân