VOV4.Mnông-Ôi nar 20/1, ta ntŭk kan Trung ương Đảng, rnâng kan ntĭm leo Trung ương mpeh njrăng, rdâng sa nkhiăn sa ƀer, nău kan mô ueh rƀŭn nchră tal 21  đah nău leo kan bâh Tổng Bí thư Nguyễn Phú Trọng, gay ma uănh nđôi, uănh năl nău geh dơi ta năm 2021 n’hanh an tâm rgop nău mpeh bôk nău pah kan ta năm 2022 bâh  rnâng kan ntĭm leo. Tâm năm 2021, bôl ma tâm nău nuh srê Covid-19 geh ntưp rêng âk, bôk nău kan bâh rnâng kan ntĭm leo lĕ geh mbơh ƀư răng dăng n’hanh ƀư lôch tĭng nău nchrăp. Ngăn lah, tâm năm e, lam dak lĕ phong, uănh nđôi 390 rơh nău tih/1.011 nuĭh tih mpeh ăp nău sa nkhiăn, nău kan. Nkoch tât nău kan tơm tâm let năp tay, Tổng Bí thư Nguyễn Phú Trọng dăn đă, ăp gâl ủy, ntŭk kan đảng, ntŭk kan têh mô dơi bân thơ, tâm di nău kan, tâm ban đah ăp nău dơi geh, an geh nsrôih răng dăng, ntrôl dăng tay lơn nău kan njrăng rdâng sa nkhiăn sa ƀer, mpŭng lir, n’hao nău kan uănh nđôi, ôp uănh. Ta rơh rƀŭn nchră, rnâng kan ntĭm đă lĕ tâm nchră an tâm rgop nău gay ma ƀư lôch nău nchrăp bôk nău pah kan tab năm 2022 bâh rnâng kan ntĭm leo nău kan.

Nuĭh rblang: Thị Đoắt