VOV4.Mnông- Ta ntŭk kan Trung ương Đảng, đah nău leo kan bâh Tổng Bí thư Nguyễn Phú Trọng, n’gâng kan chính trị, Ban Bí thư leo ƀư rơh tâm mâp măt bôk năm mhe Nhâm Dần 2022, di rơh kahgĭt 92 năm nar njêng Đảng (03/02/1930 – 03/02/2022) đah rlău 25- đại biểu lah ăp đồng chí tă leo kan gâl têh bâh Đảng, ngih dak, Mặt trận Tổ quốc Việt Nam, ăp đồng chí tă kan Ủy viên trung ươwng  Đảng ăp khóa bâh ăp rơh. Nkoch mbơh mpeh nău kan tơm khlăy tâm let năp tay, Tổng Bí thư Nguyễn Phú Trọng lah na nê̆,  năm 2022 lah năm bah dih ƀư tĭng Nghị quyết Đại hội đại biểu lam dak tal 13 bâh Đảng n’hanh nău nchrăp hun hao wăng sa- rêh jêng 5 năm 2021-2025, ngă lah tâm rnôk lam ntur neh n’hanh nău tâm dak nơm ta meng geh nău dơh nơih, nău nkhêp, rơh nkhêp, geh âk nău jêr, ntul rlong đŏng, an geh lĕ Đảng lĕ tahen, lĕ ƀon lan nsrôih âk lơn, tâm rnglăp, dơn ngoăy gay ma geh tay nău ntrŭnh kan tâ di, di trong hăn gay ma ndơ̆ ngih dak hun hao tay nâp nâl; tâm nĕ dŭt ŭch ăp nău nsrôih dơn kan bâh ăp đồng chí cán bộ gâl têh bâh Đảng n’hanh ngih dak bâh ăp rơh lah ăp nuĭh lĕ tă geh mât ăp nău kan khlăy tâm ăp ntŭk kan trung ương n’hanh ntŭk kan ba dâng.

Nuĭh rblang: Thị Đoắt