VOV4.M’nông: Ƀư tĭng Bôk nau kan mâp cử tri jêh rơh rƀŭn tal 3 Quốc hội gưl 15, ôi lơ 23/6, Tổng Bí thư Nguyễn Phú Trọng ndrel ăp ntoh măt Quốc hội tâm rmôt săch kan mrô 1, rmôt kan ntoh măt Quốc hội nkuăl ƀon têh Hà Nội hŏ geh nar mâp nŭih cử tri tâm ăp Quận Ba Đình, Đống Đa ndrel Hai Bà Trưng. Tâm nar mâp geh ƀư tĭng nau kan sŏng dăng tâm rgop nsum đah nau ƀư trực tuyến ntơm bah ntŭk ƀoh bah UBND Quận Ba Đình tât 55 ntŭk ƀoh nau ngơi tâm 3 quận đah nau râng bah rlau 1.200 nŭih cử tri gay mbơh nau tă dơi geh bah rơh rƀŭn tal 3 ndrel ơh nau ôp đă bah cử tri.

Ntoh măt Quốc hội rmôt săch kan mrô 1, Tổng Bí thư Nguyễn Phú Trọng ryơk ăp rgum ăp nau rgop mbơh đă dŭt n’hâm tam dăch, tâm di bah âk mpưm cử tri. Tổng Bí thư Nguyễn Phú Trọng mbơh tay, lơ 30/6 tât mra geh rơh rƀŭn lam dak lôch 10 năm ƀư nau kan njrăng rdâng sa khâm, gay mbơh rhuăt ăp nau dơi dơi kan, nchŏng luh ăp nau ntĭm nti gay tâm rơh tât lŏ geh ƀư ăp nau tă dơi geh./.

Nŭih rblang: H’Thi