Kêng măng 5/6 ta Nhih pah kan Trung ương Đảng, Tổng Bí thư Nguyễn Phú Trọng hŏ geh rơh mâp măt bơi 150 bu ur đại biểu Quốc hội khoá 15. Nkoch bri dêh bên đah ăp bu ur Đại biểu Quốc hội, Tổng Bí thư Nguyễn Phú Trọng nkoch kloh, n’gâng kan rgâl mhe, công nghiệp mhe, têh uĕh mhe, rdâk njêng n’hanh mât njrăng neh dak tâm rơh mhe dôl ndơ̆ luh dŭt têh đah lam Đảng, lam ƀon lan, lam tahen, lam trong kan chính trị bah dak he, tâm nê geh nău khlay kan n’hanh nău  dơn kan têh kuâng bah Quốc hội, bah ăp đại biểu Quốc hội, bu ur đại biểu Quốc hội. 

Kalơ nuih n’hâm dja, Tổng Bí thư Nguyễn Phú Trọng njrăng đă, tâm let năp tay ăp bu ur đại biểu Quốc hội ân mât uĕh tay nău way ơm dăng janh, kloh ang bah bu ur Việt Nam, lĕ nuĭh n’hâm, lĕ brăt suan yor ma nău geh bah neh dak, bah rnoi nuĭh, yor ma nău rêh rhơn răm; ƀư jăp lơn đŏng nău khlay kan lah nuĭh ntơh măt bah ƀon lan; mât uĕh nuih n’hâm dơn kan âk tâm nău rdâk njêng, ƀư lôch jêh ăp tŏng lam trong kan pháp luật (tâm nê geh luật pháp, trong kơl mpeh tâm ban bu ur bu klô), groi nđôi gưl têh n’hanh n’glêh an ăp nkô̆ nău khlay bah neh dak tâm nău  kan bah Quốc hội.