VOV4.M’nông: Tổng Bí thư Nguyễn Phú Trọng mhe geh rơh tâm mâp đêp rmen ngăn đah rmôt ntoh măt tât râng Đại hội tal 6 Rmôt bu ranh âk năm Việt Nam. Nkoch bri đêp rmên đah ăp ntoh măt tâm nar tâm mâp, Tổng Bí thư Nguyễn Phú Trọng lah rjăp, nau ueh ơm ndrel nau rêh ueh bah kon nŭih Việt Nam ntơm sa ơm tât rnôk aơ lah “Ŭch bu ranh, rŏng kon se”, “ryơk bu ranh, ueh năm nơm”, nŭih bu ranh mro geh ntô̆ n’hao, geh ryơk ngăn.

Ngăn lah, đah nau rđau kan bah Đảng, nŭih bu ranh âk năm hŏ ndrel dôl geh âk nau rgop khlay, tâm kơt ma nau Wa Hồ hŏ lah “Năm âk, nuih n’hâm lơn ma prêh”, Tổng Bí thư Nguyễn Phú Trọng đă, ăp n’gâng kan, ntŭk kan Trung ương, ăp gưl uỷ, n’gâng kan tâm nkuăl ân geh n’hao lơn tay nau gĭt mpeh nau kan ndrel nau dơi bah nơm mpeh nau mât chăm kơl an ân nŭih bu ranh ndrel ntŭk ƀư nau kan bah rmôt nŭih bu ranh âk năm./.

Nŭih rblang: H’Thi