Ôi 23/2, Tổng Bí thư Nguyễn Phú Trọng, Kruanh Tiểu ban văn kiện Đại hội 14 bah Đảng ƀư tơm rơh hop lor bôk năp bah Tiểu ban.

Nchrăp an Đại hội Đảng lam dak tâl 14 nchrăp ƀư tâm khay 1/2026 ta Tâm nchră tâl pham Ban Chấp hành Trung ương Đảng khoá 13 mhe aơ hŏ n’glêh an njêng 5 tiểu ban, tâm  nê geh Tiểu ban Văn kiện. Tiểu ban Văn kiện geh nău  dơn nchrăp siƀŭt mbơh chính trị  n’hanh mbơh n’glôch jêh 40 năm rgâl mhe hao rblang dăn Đại hội 14 bah Đảng.

Gay kơl nău kan an Tiểu ban Văn kiện, Ban Bí thư hŏ n’glêh an njêng rmôt Biên tập Văn kiện, tât aƀaơ, rnâng kan Tiểu ban hŏ tâm nchră, an nău rgop, bôk năp hŏ  tâm ban ŭch đah nkô̆ nău way đă tĭng, bôk nău kan, trong nchrăp kan n’hanhh geh nău tâm pă kan bah rmôt Biên tập…Lah ta rơh hop, Tổng Bí thư Nguyễn Phú Trọng lah rjăp, Đại hội đại biểu lam dak tâl 14 bah Đảng lah du nar kan chính trị dŭt khlay, mbra lah du jâng ntơm khlay kalơ trong hun hao bah neh dak he. Tổng Bí thư Nguyễn Phú Trọng nkoch kloh, nău nchrăp ăp văn kiện an Đại hội 14 bah Đảng, tâm nê siƀŭt mbơh chính trị lah nău mbơh rgum tơm, geh nău khlay rƀŏng an ăp văn kiện êng ƀa ƀă bah Đại hội jêng ân dơi ƀư du trong geh khoa học, răp jăp, rgâl mhe tâm trong ƀư, ân đăp mpăn geh nău săk tam, nkoch ăp tŏng ngăn nău rgâl mhe bah neh dak, đăp mpăn nău dơi bah Đại hội.