VOV4.M’nông – Lơ 25/1/2022 (jêng lơ 23 khay 12 năm Tân Sửu), Tổng Bí thư Nguyễn Phú Trọng n’hanh Tổng Bí thư, Kruanh dak Trung Quốc Tập Cận Bình lĕ tâm rgâl sam ƀŭt mbah rhơn năm mhe nkhêp di ƀon lan 2 dak Việt Nam n’hanh Trung Quốc nchrăp wơt Tết Nguyên đan Nhâm Dần.

Tổng Bí thư Nguyễn Phú Trọng n’hanh Tổng Bí thư, Kruanh dak Trung Quốc Tập Cận Bình njuăl sam ƀŭt mbah rhơn năm mhe Nhâm Dần 2022

Rƀŏng tât năm 2022, 2 đồng chí Tổng Bí thư đă ăp n’gâng kan nău kan n’hanh ƀon lan 2 dak ƀư tĭng rjăp nău wât nsum gưl prêh, ntrôl dăng kan ndrel mpeh wăng sa-tăch rgâl n’hanh ntuh kơl, ntrôl tâm nđŭrnuĭh ƀon lan đah âk trong ƀư uĕh, kan ndrel rjăp njrăng n’gang chôt srê, uănh nđôi n’hanh mkra uĕh tâm rkeh tĭng tâm nchrăp đăp mpăn, tâm di đah luật pháp lam ntŭr neh, rgop ndơ̆ tâm boh oh nô dăch dêh, kan ndrel lĕ rngôch Việt Nam-Trung Quốc hun hao uĕh lăng, nâp nâl, tâm di nău geh, jŏ jong bah 2 Đảng, 2 dak n’hanh nuĭh ƀon lan 2 dak, yor tâm rnglăp, đăp mpăn, kan ndrel n’hanh uĕh lăng bah nkual n’hanh lam ntŭr neh. 2 đồng chí Tổng Bí thư mbah rhơ Đảng, Ngih dak n’hanh nuĭh ƀon lan 2 dak Việt Nam-Trung Quốc wơt Tết Nhâm Dần uĕh lăng, đăp mpăn n’hanh lôch uĕh.

Nŭih blang: Y Sưng Phê Ja