VOV4.M’nông: Di rnôk tết Bun Pi May bah Lào ndrel Tết Chôl Chnăm Thmay bah Campuchia, Tổng Bí thư rnâng kan rđau kan Trung ương Đảng cộng sản Việt Nam Nguyễn Phú Trọng hŏ njoăl săm ƀŭt ndrel nkao rhơn tât wa Thoong-lun Xi-xu-lít, Tổng Bí thư Rnâng kan Trung ương Đảng ƀon lan cách mạng Lào, Kruanh dak Lào ndrel wa Hun Sen, Kruanh Đảng ƀon lan Campuchia, Thủ tướng dak Campuchia. Nkô̆ tâm n’ha săm ƀŭt njoăl bah Tổng Bí thư Nguyễn Phú Trọng ntoh nau: Đảng, Ngih dak ndrel ƀon lan Việt Nam dŭt n’hâm rhơn mpeh nau tâm boh ueh têh, nau tâm rnglăp ueh khlay ndrel tâm boh ăp ntil Việt Nam-Lào nar lơn hun hao, lăp tâm nau jru, ngăn ndrel săk tam tâm âk nau kan. Di rnôk tết vay ơm bah ƀon lan Campuchia, ntoh măt Đảng, Ngih dak, ƀon lan Việt Nam, Tổng Bí thư Nguyễn Phú Trọng njoăl nau tât wa Hun-sen ndrel ăp rđau kan Đảng ƀon lan Campuchia, Ngih dak ndrel dĭng lĕ ƀon lan Campuchia ăp nau ueh rŏng bah băl bên, oh nô tâm dăch ndrel ăp nau rhơn năm mhe ueh lăng, đăp mpăn, nâp nâl./.

Nŭih rblang: H’Thi