Ôi 24/3, Tổng Bí thư Nguyễn Phú Trọng tât râng n'hanh lah ta rơh lễ nkah ndray 60 năm Kruanh Hồ Chí Minh mâp măt rmôt nuĭh gĭt blău n'hanh 40 năm nar njêng Liên hiệp ăp Hội Khoa học n'hanh Kỹ thuật Việt Nam. Lah ta rơh lễ, Tổng Bí thư Nguyễn Phú Trọng lah rjăp, rlău du njăr trong jong bah rnoi nuĭh, rmôt gĭt blău Việt Nam way mpư n'hao nuih n'hâm rŏng dak, n'hao êng săk rnoi nuĭh, n'hanh mât nâp nău khlay n'gâng kan rdâk njêng n'hanh mât njrăng neh dak.

Tổng Bí thư Nguyễn Phú Trọng mpơl nău ŭch rŏng tâm let năp tay, Liên hiệp ăp Hội Khoa học n'hanh Kỹ thuật Việt Nam, rmôt gĭt blău khoa học n'hanh công nghệ Việt Nam ân lor nchrăp n'hanh bư jăp tay lơn đŏng nău  nsŏng kơl an Đảng n'hanh Nhih dak. Na nê̆ lah: ƀư jăp lơn đŏng nău dơn kan mbơh nti, rlăch tay nău tih tâm rnôk rdâk njêng, lôch jêh ăp nău way, trong kơl, ăp siƀŭt quy phạm pháp luật đah ăp rnoh tât di na nê̆, wăch rgum, dŏng, kơl n'hanh mpư n'hao rmôt nuĭh gĭt blău, gay rdâk njêng rmôt nuĭh gĭt blău dak he mô rlu têh dăng, đăp mpăn tŏng rnoh âk n'hanh săk blău.