Ôi 19/6, Tổng Bí thư Nguyễn Phú Trọng ƀư tơm rơh tâm nchră pơk sŏng dăng tât 63 bôk ƀoh lam dak sơ kết 1 năm kan bah Ban rđău đă gưl n’gor mpeh njrăng n’gang sa khâm, tih djơh. Du năm rlău aơ, ăp Ban rđău đă gưl n’gor hŏ ƀư bơi 150 rơh hăn ôp uănh, groi nđôi mpeh pah kan njrăng, n’gang sa khâm, tih djơh. Lôch hăn ôp uănh, groi nđôi hŏ ban saơ âk nău tih; dăn đă rmal âk mpôl kan đảng, đảng viên geh tih.

Tâm du năm, ăp Ban rđău đă gưl n’gor hŏ ra tay lam lĕ rngôch, n’gluh 600 tơ̆ nău tih, rơh sa khâm, tih djơh lăp tâm săk tĭng groi nđôi, rđău đă gay rgum nkra lơh. Âk n’gor ban saơ, lah phong, ôp uănh, nkra rmal âk nău tih têh, âk cán bộ mpeh săk Ban Thường vụ tỉnh uỷ, thành uỷ mât. Lôch nchŏng luh 5 nkô̆ nău n’hanh nău tă ơm gĭt kơt nti rhuăt luh gay n’hao dăng lơn đŏng nău kan bah Ban rđău đă gưl n’gor tâm let năp tay. Tổng Bí thư Nguyễn Phú Trọng dăn đă, Ban rđău đă ăp n’gor, thành uỷ ân đăm jru tay, gĭt êng jru hvi lơn đŏng mpeh ntŭk gŭ kan, nău khlay kan, nău dơn kan, n’glĕ nău dơi ƀư bah Ban rđău đă gưl n’gor; ân kan ăp tŏng rêng, ngăn ngăn, di nău dơi, nău dơn kan./.